Форвард Моторс ХХК нь 1999 онд авто сэлбэгийн худалдаа эрхлэх үйл ажиллагааны чиглэлтэйгээр байгуулагдаж Эрхүү хотын “Фильтр” компани, Сингапур улсын Япон сэлбэгийн дилер компани болох Теклам, Тайсун зэрэг компаниудаас авто сэлбэг нийлүүлж байв.

  • 2002/09 – Авто сэлбэгийн танилцуулах үзэсгэлэн худалдааг анх удаа зохион байгуулав.
  • 2003 – Япон улсаас авто машины сэлбэгийг шууд нийлүүлэх болов.
  • 2003/01 – Япон автомашинтай үйлчлүүлэгчиддээ оргиналь бүтээгдэхүүнээр түргэн шуурхай үйлчлэх зорилгоор өөрийн компанийн төлөөлөгчийг Токио хотод суулгав.
  • 2003/03 – Японы “Eiken Industries” компанийн ISO9001 чанарын сертификат бүхий VIC брэндын бүх төрлийн шүүлтүүрийг борлуулах албан ёсны дистрибьютер болов.
  • 2003/08 – Автомашин эзэмшигчдийнхээ ажлыг хөнгөвчлөх, захиалсан сэлбэгийг хөнгөлттэй үнээр тавьж өгөх, сэлбэгийг технологийн дагуу угсарч найдвартай байдлыг хангах үүднээс Форвард авто засварын төвийг байгуулав.
  • 2003/12 – Хэрэглэгчдийн эрх ашгийг хамгаалах нийгэмлэгээс “Хэрэглэгчдийн Найдвартай Түнш” байгууллага өргөмжлөл авав.
  • 2004/01 – Автомашин эзэмшигчдийнхээ техникийн ерөнхий мэдлэгт тус болох зорилгоор техникийн зөвлөгөө өгөх Форвард авто мэдээллийн төвийг байгуулав.
  • 2004/03 – Мэдээллийн төвд Японы бүх төрлийн автомашины сэлбэгийн суурь үнэ бүхий задаргааны схем зурагтай автомашины үйлдвэрлэсэн он, эдийн дугаар тодорхойлох электрон каталогийг үйл ажиллагаандаа нэвтрүүлснээр сэлбэг зөрж ирэх явдал байхгүй болов.
  • 2004/05 – МҮХАҮТ -ын гишүүн байгууллага болов.
  • 2005/01 – VIC брэнд шүүр нь Монгол улсын барааны тэмдгийн 5082 тоот гэрчилгээ авав.
  • 2005/08 – Хэрэглэгчдийн эрх ашгийг хамгаалах нийгэмлэгээс зохион байгуулсан “Хэрэглэгчийн найдвартай бүтээгдэхүүн 2005” үзэсгэлэнгээс “VIC” брэнд нь “Хэрэглэгчийн Баталгаат бүтээгдэхүүн ” Алтан медаль хүртэв.
  • МҮХАҮТ -аас зохион байгуулагдсан “Улаанбаатар түншлэл 2005”, “Импорт шоу 2005” зэрэг үзэсгэлэнд амжилттай оролцов.
  • 2006/03 – Японы “KYB Industry” компанийн дэлхийн шилдэг брэнд болсон ISO9001 чанарын сертификат бүхий KYB амортизаторыг борлуулах албан ёсны дилер болж Японы Гифу хот дахь Каяаба амортизаторын үйлдвэрээс шууд нийлүүлж эхлэв.
  • 2006/03 – KYB компани болон KYB амортизаторыг сурталчлах үзэсгэлэн худалдаа болон 10 сая төгрөгийн шагналын сантай сугалаат худалдааг зохион байгуулав.
  • 2006/05 – KYB амортизатор нь Монгол улсын барааны тэмдгийн гэрчилгээ авав.
  • 2006/06 – ТV-9 телевизийн “Гарц” нэвтрүүлгийн ивээн тэтгэгчээр оролцож автомашин эзэмшигчдийнхээ техникийн мэдлэгийг өргөжүүлэх үүднээс техникийн зөвлөгөө буланг хөтөлж Япон улсын KYB INDUSTRY Co.,Ltd, EIKEN INDUSTRY  Ltd, Toyo Trading Co.,Ltd зэрэг компаниудаас шууд сурвалжлага хийж үйлдвэрийн техник технологи болон борлуулж буй бүтээгдэхүүнийхээ талаар үнэн зөв мэдээллийг Монголын нийт автомашин эзэмшигчдэд танилцуулах нэвтрүүлэг бэлтгэж цацав.
  • 2006/06 – Японы Toyo Trading Co.,Ltd -тай хамтран ажиллах гэрээ байгуулав.
  • 2006/08 – Япон улсын “Sankei industry” компанийн явах ангийн 555 брэндийг Монголд борлуулах албан ёсны төлөөлөгч болов.
  • 2006/08 – Япон улсын “MK Kashiyama corporation” -ын МК брэнд накладыг Монголд борлуулах албан ёсны төлөөлөгч болов.
  • 2006/08 – Япон улсын “Osaka Bane Inc” компанийн “ОВК” брэнд пүршийг борлуулах Монгол дахь төлөөлөгч болж, Монголын нийт Япон автомашин эзэмшигчдэд хөдөлгөөний аюулгүй байдалд шууд нөлөөлдөг сэлбэгийг үйлдвэрээс нь авах боломж нээгдэв.
  • 2006/10 – Авто машин эзэмшигчдийн техникийн мэдлэгт нэмэр болох зорилгоор “Тэнхлэг зууч” сэтгүүлийн техникийн зөвлөгөө булангийн мэдээллийг бэлтгэн нийтлэв.
  • 2006 – Авто сэлбэгийн худалдаа эрхэлдэг байгууллагуудтай хамтран ажиллаж Сэлбэгийн худалдааны сүлжээ байгуулах зорилгоор Дэлгэр Авто Партс, ЗигЗаг ХХК, Доктор сүлжээний 8 цэг,”BMW” авто сервистэй хамтран ажиллахаар болов.
  • 2007/04 – МҮХАҮТ-д KYB амортизаторыг Монголд борлуулах албан ёсны дистрибьюторын гэрээ зурагдсанаар дэлхийн хэмжээний корпарацийн албан ёсны дистрибьютор гэдэг хүндтэй бөгөөд эрхэм алдрыг хүртэв.
  • 2007/04-09 – Бүх цэг салбарууд болон хамтран ажилладаг компаниудыг хамруулсан өргөн хэмжээний хямдралтай үзэсгэлэн худалдааг зохион байгуулав.
  • 2007/04 – KYB брэндын барааны тэмдгийг эзэмших лицензийн гэрээнд гарын үсэг зурагдаж оюуны өмчийн хуулийн дагуу дуураймал бүтээгдэхүүнээс хамгаалах эрх хүчин төгөлдөр болж “KAYABA”, “KYB”, “Excel-G”, “Gas-a-just” гэдэг нэрээр Монгол улсын оюуны өмчийн газраас лиценз авч улмаар Монголд эдгээр нэрээр хуурамч амортизатор орж ирэх явдлаас урьдчилан сэргийлэх боломжтой болов.
  • 2007/07 – Япон улсын “Eiken Industries”  компани, “Sankei industry” компанитай лицензийн гэрээ байгуулж VIC бүх төрлийн шүүр болон явах ангийн 555 брэндийг Монголд эзэмших эрхийн лицензийг  Монгол улсын оюуны өмчийн газраас авав.
  • 2007/07 – Япон улсын “Sankei industry”компанийн гадаад худалдааны захирал Tsugitomo Murata Монголд айлчлал хийх үедээ “Гарц”нэвтрүүлгээр Монголын авто машин эзэмшигчдэд өөрийн компанийн үйл ажиллагааны тухай болон хөдөлгөөний аюулгүй байдалд шууд нөлөөлдөг явах ангийн сэлбэгүүдийг чанарын өндөр түвшинд хийж нийлүүлэлт хийгддэг дэлхийн 100 шахам орны нэг Монгол улс болж байгааг албан ёсоор зарлав.
  • 2007/12 – “Оsaka bane ink” компанийн “ОВК” брэнд пүрш Монголд барааны тэмдгээ бүртгүүлж 6847 дугаарын гэрчилгээ авав.
  • 2007 /12 – Захиалгын сэлбэгийг түргэн шуурхай нийлүүлэх зорилгоор Токио хот дах Камисато компанитай хамтран ажиллахаар болов.
  • 2008/04 – Механик инженерийн сургууль, Монголын авто үйлчилгээ эрхлэгчдийн холбооноос зохион байгуулсан “Түлшний шууд цацалттай /GDI, DI, 4D/ бензин хөдөлгүүрийн техникийн үйлчилгээ, засвар оношлогоо ”сэдэвт онол практикийн бага хуралд тус компанийн захирал Г. Орхонтуяа “Шууд тэсрэлттэй GDI, D4 хөдөлгүүрт үүсч болох эвдрэлүүд” сэдвээр илтгэл тавив.
  • 2008/05 – KYB амортизаторын сурталчилгааны самбарыг босгов.
  • 2008/07 – Тоормозны накладны “MK Kashiyama” корпораци, “ОВК” пүршний  “Osaka Bane Inc” компанийн төлөөлөгчидтэй хамтран салбарын бүх төлөөлөл төр хувийн хэвшлийхэнд хандсан танилцуулах өдөрлөг зохион байгуулав.
  • 2008/08 – “Osaka Bane Inc” компанитай лицензийн гэрээ байгуулснаар “ОВК” брэндийг эзэмших  лицензийг Монгол улсын оюуны өмчийн газраас авав.
  • 2009 – Эрдэнэт хотод өөрийн салбарыг нээн ажиллуулснаар Улаанбаатар хотын үнээр оргиналь сэлбэг худалдан авах боломж Эрдэнэтийн япон авто машин эзэмшигчдэд нээгдлээ.
  • 2009 – Дархан хотын Анд авто сервистэй хамтран ажиллах гэрээ байгуулж оргиналь япон авто сэлбэгийг Дархан хотынхонд нийлүүлэхээр боллоо.
  • 2009/08 – Тоормозны накладны “MK Kashiyama” корпорацитай лицензийн гэрээ байгуулснаар “MK” брэндийг эзэмших лицензийг Монгол улсын оюуны өмчийн газраас авав.